نشر لي صور خاصة.. سيدة تتهم طليقها بفضح علاقتهما الزوجية على مواقع إباحية | تحقيقات

تعرضت إحدى السيدات لابتزاز من قبل طليقها الذي يملك عدة صور ومقاطع فيديو لها، في أثناء العلاقة الزوجية، منها ما تم تصويره بمعرفتها، ومنها ما التقطه طليقها خلسة، وهددها بتلك التسجيلات، في حال رفضت العودة إليه بعد طلاقهما، وعندما رفضت تهديداته، نشر تلك التسجيلات على مواقع التواصل الاجتماعي، وذلك في كفر البطيخ.

سيدة تتهم طليقها بفضحها

استمعت جهات التحقيق للشاكية وتدعى ش.أ 39 سنة، وقالت: اللي حصل إن أنا كنت متزوجة من المدعو أشرف.ر من 8 سنين تقريبًا، وحصلت خلافات بينا في آخر سنة بسبب إن هو كان بيصورني صور بعلمي وصور من غير علمي، والصور دي مثلا نكون في الحمام ويصورني وأبقي قاعدة بهدوم البيت، ويصورني ووقت العلاقة الزوجية بينا وإحنا على السرير.

أوضحت الشاكية: أنا قولتله ماينفعش كده وزعقلي وضربني وبعدها طلقني، وعملي صفحات وهمية ورفع صوري علي صفحات إباحية وهددني إن هو لو أنا مارجعتش ليه تاني هيحبس إبني ويحطله مخدرات في العربية، وقالي مش هخليكي ترفعي وشك في البلد وفعلا نزل صور بأرقام ليا على المواقع الإباحية، واتهمني إن أنا على علاقة غير شرعية مع المحامي بتاعي.

أضافت: بعدين عملوا قعدة عرفية في البلد علشان الموضوع يتحل وحصل خلاف في القعدة ومسكوا في بعض والمركز جه وخدنا ولما جينا هنا النيابة اتصالحنا لأن هو وعد إن هو مش هيعمل حاجة تانية خلاص، ولما خرجنا لقيته لسه بينزل الصور على المواقع الإباحية وهو ده اللي حصل.